Sipas të dhënave të fundit të Entit për punësim në Ulqin momentalisht kërkojnë punë 1027 persona.
Kjo do të thotë që shkalla e papunësisë në Ulqin është rreth 13 për qind. Ajo që duhet të brengos është fakti që rreth 40 për qind të atyre që kërkojnë punë në këtë komunë janë nën moshën 35 vjeç.
Papunësia në këtë komunë me vite ka rritje stabile, përveç gjatë korrikut dhe gushtit, kur së bashku me qindra shtetas të huaj, shumica e të papunësuarve në Ulqin arrin të realizojë ndonjë përfitim në punë sezonale.