Këshilli qendror i Partisë Demokratike, në një seancë të mbajtur të hënën në Ulqin, pranoi ftesën për të qenë pjesë e Qeverisë së re në Mal të Zi.
U shpreh kënaqësia që Qeveria e ardhshme do të shprehë kompleksitetin e këtij shteti, dhe se ajo do të jetë pro-evropiane dhe e përkushtuar për bashkëpunim rajonal.
“Si parti që lufton fuqishëm për decentralizimin e pushtetit, përshëndesim qendrimin që ky të jetë një nga prioritetet e qeverisë sonë”, thonë në Partinë demokratike.
Shtohet se në të njëjtën kohë është marrë vendimi që kreu i PD-së, Fatmir Gjeka, të jetë kandidat i partisë për ministër në Qeverinë e Dritan Abazoviqit.
