Pas 22 vjetesh: ARTISTI A. GASHI NË SHKODËR

aleksander gashi-Artistët bëjnë epokë – me këtë shprehje mund të përmbledh atë që u prezantua në teatrin “Migjeni” të qytetit të Shkodrës me koncertin vokal-instrumental, me protagonist pianistin dhe kompozitorin e mirënjohur Aleksandër Gashi. Koncerti i pianistit dhe kompozitorit Aleksandër Gashi në vendlindjen e tij, u përjetua nga qyteti dhe ambienti artistik si një ndër aktivitetet më të rëndësishëm kulturor të këtij viti. Pritshmëria kishte justifikimet e saj, por esenciale ishte rikthimi në skenë i artistit pas njëzet e dy vitesh, interesi i madh për këtë personalitet të kulturës e artit shqiptar jashtë kufijve. Duke iu referuar gjithmonë biografisë artistike, vlerësimeve në vite, sintezë bëhet fakti që Aleksandër Gashi është i pari shqiptar, të cilit në vitin 2001, me dekret të posaçëm të firmosur atëherë nga Presidenti i Republikës Italiane, Ciampi dhe Kryeministri, Berluskoni i dhanë shtetësinë italiane, për merita artistike me motivimin: “Mjeshtri Aleksandër Gashi përfaqëson një pasuri të lartë njerëzore dhe artistike për vendin tonë”.

Këtu, te këto rreshta, askush më shumë se Shkodra, vendlindja që është edhe vendarritja e talentit gjen referimin dhe motivin e krenarisë së justifikueshme. Pikërisht, në Shkodër, Aleksandër Gashi u zbulua si talent e po në këtë qytet nisi rrugën e tij të formimit artistik. Udhëtimi i tij mori rrugëtime të reja, në fillim duke kaluar kufijtë e lokales me destinacion kryeqytetin shqiptar, Tiranën, ku pas diplomimit shkëlqyeshëm për pianoforte dhe kompozicion, punoi si pedagog i pianofortes për dhjetë vjet, për të kaluar kufijtë kombëtarë, me destinacion një tjetër kryeqytet, Romën. Aty ku nisi edhe një tjetër etapë e karrierës artistike, po e shkëlqyer si e para e për të cilën mediat italiane nuk i kanë kursyer, në vite, komentet, duke e përkufizuar si “interpretues virtuoz”, përfaqësues të “fytyrës tjetër të Shqipërisë” etj. Për të gjitha motivet e mësipërme, që nuk janë të vetmet, koncerti i Mjeshtrit Aleksandër Gashi në Teatrin ” Migjeni”, përbënte një interes të veçantë për qytetin. Një rikthim në skenë është gjithmonë i shumëpritur e të përfshirë në këtë rast janë të dy anët publik dhe artist. Në këtë rikthim, pas njëzet e dy vitesh Gashi preferoi të rikthehej i shoqëruar nga kolegë italianë e shqiptarë: nga klarinetisti Lorenc Stajka, sopranoja italiane Marta Vulpi e Akademisë Santa Cecilia (Romë), violinisti Çesk Marashi dhe Orkestra e Harqeve të Shkodrës drejtuar nga Viola Bajraktari, ndërsa prezantimi i koncertit nga të mirënjohurit e teatrit “Migjeni” aktori e regjisori Fatbardh Smaja dhe aktorja Rita Gjeka.

Vetë programi, i ndërtuar me një repertor të zgjedhur ishte pasqyrë e kujdesit për të sjellë në skenë një sintezë të nivelit profesional të arritur në vite. Një publik i tërë në këmbë shoqëroi daljen në skenë të Aleksandër Gashit. Mjeshtri nisi programin me “Ëndrrën” e Schumman. Interpretimi i kësaj vepre shënoi një pikëtakimi me publikun, që kuptoi në mënyrë perfekte thelbin e këtij koncerti: dashurinë e artistëve për Shkodrën. Ëndrra doli nga gishtat e pianistit në hapësirat e qytetit dhe u bë realitet. Ovacionet e publikut ishin përgjigjja më e mirë. Një ëndërr-realitet nga e cila mbetën lidhur artistët e publiku, për rreth dy orë. Teatri “Migjeni” i mbushur si asnjëherë tjetër, u bë dëshmia e një interesi të ruajtur të publikut shkodran për muzikën klasike, që në këtë rast gjeti forca të shprehej bujshëm. Meritë e Aleksander Gashit e “virtuozitetit të dy duarve dhe dhjetë gishtave”, e kompozitorit gjenial, e shoqëruesit të shkëlqyer, e rikthimit të tij në vendlindje. Interpretimi mbresëlënës i pianistit u bë shkollë: stili, eleganca, serioziteti e profesionaliteti bënë të entuziazmohej Shkodra, “djepi i kulturës”, të cilën edhe vetë ai në një intervistë e përcakton si: “kryeqyteti i muzikës shqiptare”. (Shekulli)

Leave a Reply

Your email address will not be published.

KONCERT “ZAUSTAVITE RAT – NDALENI LUFTËN”

Media for All: NË ULQIN MBAHET KONFERENCA E MEDIAVE RAJONALE

Horizonti i Ri: TUBOHEN PËRFAQËSUESIT E MEDIAVE KRYESORE NË GJUHËN SHQIPE

Komuna: SOT FILLON ASFALTIMI I RRUGËVE TË GËRMUARA
Komuna: SOT FILLON ASFALTIMI I RRUGËVE TË GËRMUARA

  Komuna e Ulqinit njoftoi se të premten do të fillojë asfaltimi i rrugëve të gërmuara, i cili do të zgjasë disa ditë. Vetëqeverisja lokale u ka kërkuar falje qytetarëve që kanë vuajtur nga kjo situatë,

CEDIS: TË PREMTEN PA RRYMË NJË PJESË E KOMUNËS SË ULQINIT
CEDIS: TË PREMTEN PA RRYMË NJË PJESË E KOMUNËS SË ULQINIT

Nga Sistemi malazez i elektroshpërndarjes (CEDIS) thanë për Portalin Ul-info se të premten, më 24 qershor, në periudhën prej orës 08 deri në 14,30, pa energji elektrike do të jetë pjesa e Qytetit përballë

Komuna: BEQIR SELLA KANDIDAT PËR ZËVENDËSKRYETAR
Komuna: BEQIR SELLA KANDIDAT PËR ZËVENDËSKRYETAR

  Zyrtari i lartë i Partisë Demokratike, Beqir Sella, është kandidat për nënkryetar të Komunës së Ulqinit, mëson Portali Ul-info. Ai është deputet i asaj partie në Kuvendin komunal dhe kryen edhe

Forca: Sabri Salaj kandidat për nënkryetar të Komunës së Ulqinit
Forca: Sabri Salaj kandidat për nënkryetar të Komunës së Ulqinit

Në mbledhjen e KQ të Forcës së Re Demokratike të mbajtur me 22.06.2022, z. Sabri Salaj, nënkryetar i partisë është votuar njëzëri kandidat për nënkryetar i Komunës së Ulqinit.   Sabri Salaj ka lindur

Deti jonë: RRETH 50 LLOJE PESHKAQENË NE ADRIATIK, VETËM DISA TË RREZIKSHËM
Deti jonë: RRETH 50 LLOJE PESHKAQENË NE ADRIATIK, VETËM DISA TË RREZIKSHËM

Dr Niksha Glaviq nga Instituti për Detin dhe Bregdetin e Universitetit të Dubrovnikut tha se peshkaqenë gjithmonë ka në Adriatik, vetëm se të shohësh kaq afër bregut është e rrallë dhe shkakton emocion