Të mërkurën mbrëmje janë mbajtur mbledhjet e Këshillit ekzekutiv dhe komunal të Partisë demokratike të socialistëve në Ulqin në të cilët është analizuar gjendja në këtë parti dhe negociatat paszgjedhore për formimin e pushtetit lokal.
Këshilli, siç deklaroi për Portalin Ul-info drejtori politik i PDS-së Tarzan Millosheviq, i ka dhënë përkrahje unanime kryetarit të KK PDS Loro Nrekiq, si dhe koordinatorëve të partisë për Ulqin dr Sanja Vllahoviq dhe Goran Jevriq.
Është arritur përfundimi që të formohet grupi punues i cili, në bashkëpunim me qendrën e partisë, do të propozojë aktivitetet e mëtejme të këshillit të Ulqinit.
Millosheviq tha që PDS-ja në Ulqin është opozitë konstruktive dhe që pushtetit të Ulqinit i dëshiron suksese në punë. “Ne, sigurisht, mendojmë që do të ishte më mirë sikur në pushtet do të ndodhej PDS-ja”, shtoi ai.
