PDS Ulqin: Strukturat që bëjnë shumicën parlamentare aktualisht nuk mund ta marrin pushtetin në Ulqin

Kryetari i Komunës së Podgoricës, Ivan Vukoviq dhe kryetari i Komunës së Tivarit, Dushan Raiçeviq, theksuan problemet me të cilat mund të ballafaqohen qytetarët e Ulqinit nëse në krye të pushtetit lokal vijnë strukturat që përbëjnë shumicën aktuale parlamentare.

Në takimin e organizuar dje u drejtua kryetari i Komunës së Podgoricës dhe nënkryetari i PDS-së, Ivan Vukoviq, i cili ftoi të pranishmit që t’i shikojnë pasojat katastrofike të punës së qeverisë në largim. Ai rikujtoi faktin se gjatë qeverisjes së tyre, harmonia shumëkombëshe dhe multietnike, si dhe identiteti qytetar i Malit të Zi u rrezikua rëndë.

“Për herë të parë në historinë e Malit të Zi kemi pasur njerëz për të cilët ide të tilla ishin të huaja dhe për ta pjesëtari i një pakice fetare apo kombëtare nuk mund të ishte kurrë qytetar i rendit të parë. Ky ishte rreziku më i madh dhe thelbësor për Malin e Zi. Kjo është arsyeja pse ishte e rëndësishme që PSD-ja t’i mbijetonte kësaj sfide politike, të qëndronte e bashkuar, sepse PSD përbën strukturën që është themeli i Malit të Zi qytetar, multietnik dhe evropian”, u shpreh Vukoviq.

Ai u bëri thirrje ulqinakëve dhe ulqinakeve që me 27 mars të mendojnë për veten e tyre, të mos shkojnë pas njerëzve që vijnë nga anash dhe mundohen t’u shpjegojnë atyre nga niveli i politikës së lartë se çfarë është zgjedhje më e mirë për ta.

“Mendoni për veten tuaj, që nesër do të zgjoheni në të njëjtin Ulqin ku jetoni dhe se keni nevojë për dikë që e njihni, që mund ta telefononi dhe t’ja tregoni një problem si dhe të prisni që ai ta zgjidhë atë. Ju duhet dikush që jeton me qytetin, dikush që e do qytetin dhe dikush për të cilin Ulqini është prioritet. Mendoj se këta janë njerëz i keni, jo sepse janë miqtë e mi, por sepse e di se si punojnë dhe si e përjetojnë punën e tyre”, tha Vukoviq.

Në fund ai nënvizoi shembujt nga disa komuna tjera bregdetare.

“Keni mundësi të shikoni komuna që gjenden jo më larg se 50 km nga këtu, të shikoni se si mund të çvlerësohet ky privilegj, dhe është privilegj të jesh njeriu i parë i qytetit, duke ja dhënë dikujt që nuk e meriton dhe që e zbret rëndësinë e shërbimit publik në nivelin e përmbushjes së interesave të ngushta politike dhe partiake. Këta janë shembujt e Budvas, Kotorrit dhe Tivatit sot”, përfundoi nënkryetari i PDS-së.

Në fjalën e tij para të pranishmëve, kryetari i Komunës së Tivarit dhe anëtari i Këshillit Kryesor të PDS-së, Dushan Raiçeviq, tha se pavarësisht se cilat parti politike janë të deleguara për të krijuar politika të caktuara nga niveli qendror, komunikimi dhe respekti janë baza, dhe se nëse kjo dështon atëherë ndodh ajo që quajmë stanjacion.

“Jam i bindur se pas mandatit të kolegut tim Nrekiq, në periudhën e mandatit të kolegut tim Daboviq, do të mund të ishte bërë shumë më tepër vetëm nëse do të kishim bashkëbisedues nga ana tjetër, për të mos thënë partnerë. As që kemi pritur që të kemi partnerë, por nëse do të kishim bashkëbisedues, ndoshta disa nga ato probleme sot do të ishin zgjidhur”, theksoi Raiçeviq.

Këshilli Komunal PDS Ulqin    

Leave a Reply

Your email address will not be published. Required fields are marked *

Përvjetori: GJYSMË SHEKULLI NGA THEMELIMI I QENDRËS NATURISTE NË ADË TË BUNËS
Përvjetori: GJYSMË SHEKULLI NGA THEMELIMI I QENDRËS NATURISTE NË ADË TË BUNËS

Këtë vit bëhet gjysmë shekulli nga fillimi i funksionimit të Qendrës naturiste në Adë të Bunës. Në korrik të vitit 1973 u pritën mysafirët e parë dhe ishin kryesisht gjermanë të sjellë nga agjencia “Miramare”.

Komuna e Ulqinit: PROJEKTI ME VLERË RRETH 20 MILION EURO FILLON NË MES TË SHKURTIT
Komuna e Ulqinit: PROJEKTI ME VLERË RRETH 20 MILION EURO FILLON NË MES TË SHKURTIT

Me rastin e fillimit të realizimit të projektit “Furnizimi me ujë dhe rregullimi i ujërave të zeza në bregdetin e Adriatikut – V, Ulqin”, kryetari i Komunës së Ulqinit Omer Bajraktari me bashkëpunëtorë

Në fillim të javës së ardhshme: KRYEMINISTRI ABAZOVIQ NË VIZITË ZYRTARE NË KOMUNËN E ULQINIT
Në fillim të javës së ardhshme: KRYEMINISTRI ABAZOVIQ NË VIZITË ZYRTARE NË KOMUNËN E ULQINIT

Kryeministri i Malit të Zi, Dritan Abazoviq, në fillim të javës së ardhshme do të qëndrojë për vizitë zyrtare në Komunën e Ulqinit. Delegacioni me kryeministrin do të përfshijë edhe një sërë ministrash

Rikonstruksioni i “Mediteranit”: VILA E RE LUKSOZE ME DY PISHINA DERI NE MAJ
Rikonstruksioni i “Mediteranit”: VILA E RE LUKSOZE ME DY PISHINA DERI NE MAJ

Kompania “Becovic Management Group” është duke punuar në rikonstruksionin e hotelit të saj “Mediteran”. Siç theksohet, deri në maj të këtij viti do të përfundojnë punimet për ndërtimin e “Ville Version”,

Ulqin: ABAZOVIQI PARALAJMËRON SË SHPJETI PERFUNDIMIN E ADAPTIMIT TË URGJENCËS
Ulqin: ABAZOVIQI PARALAJMËRON SË SHPJETI PERFUNDIMIN E ADAPTIMIT TË URGJENCËS

Kryeministri i Malit të Zi Dritan Abazoviq bëri të ditur që së shpejti pritet të përfundojë adaptimi dhe rindërtimi i Urgjencës në Ulqin. Sipas tij, kjo dinamikë është është dakorduar të hënën në një bisedë