Për herë të pare në Ulqin: PUNËTORËT E QENDRËS PËR KULTURË FILLUAN GREVËN E URISË

Qendra per kulture, Centar za kulturu26 punëtorët e Qendrës për kulturë kanë filluar sot grevën e urisë. Kjo është hera e pare në histori të Ulqinit që të punësuarit në ndonjë institucion apo ndërmarrje kanë vendosur të bëjnë një hap kaq radikal.

Kryetarja e organizatës sindikale të Qendrës Lilana Janinoviq ka thënë që punëtorët janë unik dhe nuk do të çojnë dorë nga kërkesat e tyre sa i përket pagesës së gjashtë nga gjithsej nëntë rrogat e prapambetura.

Më së shumti na vjen keq për qytetarët. Sidomos i kërkojmë falje fëmijëve të cilët vijnë në Bibliotekë të marrin libra, e nuk mund ta bëjnë këtë”, tha ajo.

Në shenjë solidariteti me kolegët e tyre në Ulqin sot në të gjithë Malin e Zi për gjysmë ore të gjithë institucionet kulturore kanë ndaluar punën.

Të punësuarve në Qendër përkrahje me prezencën e vet i dha anëtari i Këshillit drejtues Vuksan Vuksanoviq dhe drejtuesit e Këshillit komunal të Partisë socialdemokrate, derisa me kumtesë është deklaruar deputetja e Frontit demokratik në Parlamentin e Malit të Zi dr. Lilana Gjurashkoviq.

Leave a Reply

Your email address will not be published. Required fields are marked *

Reportazh: Deti dhe ndërkulturalizmi

Intervista e parë e kryetarit Omer Bajraktari: GJENDJA NË KOMUNË, VIZIONI I ZHVILLIMIT, PLANET…