Punëtorët e sigurimit të Kripores së Ulqinit kanë lajmëruar të dielën në stacionin policor në Ulqin dy persona të cilët i kanë zënë në gjueti ilegale në zonën e ndaluar dhe me mjete të paligjshme (karrema, rosa artificiale), njoftohet nga Ndërmarrja publike “Parqet nacionale të Malit të Zi”.
Siç thuhet, personat e zënë në gjueti ilegale kanë injoruar paralajmërimin që të presin policinë dhe me trapin e fshehur kanë kaluar në terrenin e papërshkueshëm të pyjeve të Shtojit ku ishte vështirë për t’i gjetur.
Nga vendngjarja janë marrë fishekët e gjuajtur nga pushka e gjuetisë si provë për veprat e palejueshme.
