Prokuroria Themelore Shtetërore në Ulqin hapi hetimin në bazë të padisë penale të qytetarëve për shkak të ndërtimit të kanalizimit të varur në Pinjesh, mëson Portali Ul-info.
Investitori i këtij objekti është Komuna e Ulqinit, gjegjësisht Sekretariati për Veprimtari Komunale dhe Mbrojtjen e Hapësirës.
Punonjësit e Drejtorisë për Kontroll Inspektues të Ministrisë së Zhvillimit të Qëndrueshëm dhe Turizmit ndaluan punimet dhe mbyllën këtë vend ndërtimi me 13 qershor, mirëpo punimet për ndërtimin e kanalizimit të varur vazhduan përkundër ndalimit.
