Ministri për të drejtat e njeriut dhe pakicave Mehmed Zenka ka arritur marrëveshje me prokurorinë para se është ulë në funksion dhe ka paguar 1.200 euro Qendrës ditore “Sirena” nga Ulqini, sepse ka kryer veprën penale shkelja e barazisë gjatë punësimit, shkruan “Vijesti”.
Siç thuhet, marrëveshjen me ish ushtruesin e detyrës së drejtorit të Ndërmarrjes komunale Ulqin, e ka nënshkruar Prokuroria themelore në Ulqin në bazë të padisë së MANS-it nga 1 korriku i vitit 2016 që ka punësuar në mënyrë të paligjshme 17 persona.
Zenka tha se ky nuk ishte faji i tij, por i bashkëpunëtorëve të tij, ndërsa ai ka marrë përsipër fajin se person përgjegjës.
“Bëhet fjalë për punëtorë sezonal për pastrimin e rrugës, ato nuk janë më të punësuar në Ndërmarrjen komunale. Gjatë fushatës unë nuk kam punësuar asnjë njeri”, tha ai për “Vijesti”.
