“Ky është manifestimi më i rëndësishëm kulturor i cili mbahet në Ulqin”, deklaroi kryetari i Komunës Loro Nrekiq duke hapur Panairin e sivjetmë të librit.
Në këtë solemnitet folën edhe ministri i kulturës së Malit të Zi Aleksandar Bogdanoviq, zëvendës ministri i turizmit të Shqipërisë Hajrullah Çeku, drejtori i Organizatës Turistike Fatmir Gjeka, drejtoresha e Institutit për Promovimin e Librit nga Tirana Irena Toçi dhe shkrimtari i njohur shqiptar Namik Dokle.
Të gjithë ato theksuan se Ulqini është qytet i kulturës, gjersa ky manifestim është i rëndësishëm në korniza rajonale.
Panairi i Librit për të 18 herë mbahet në Ranë dhe tuboi rreth 50 botues. Dashamirët e librit do të mund ta vizitojnë deri të mërkurën, me 8 gusht.
