Në dy ditët e fundit peshkatarët e Ulqinit kanë zënë sasi të mëdha peshku. Duket që arsye për këtë janë stabilizimi i motit dhe që më në fund, siç thonë, pak “kanë ndryshuar ujërat”.
E kur peshkatarët Ulqinak zënë mirë, atëherë është festë për të gjithë. Lajmi shumë shpejt u përhap nëpër qytet dhe vendasit me shpejtësi shkuan në Kaceme që të shohin rrjetat e mbushura plotë.
Derisa peshkatarët kanë pastruar rrjetat, kilogrami i qefullit blihej për katër euro. Në pikat shitëse në qytet çmimi ishte për një euro më i lartë.
