Më shumë se 100 vendas të Pinjeshit kanë nënshkruar peticionin me të cilin kërkojnë nga kryetari i komunës Fatmir Gjeka të ndikojë në përpunuesin e Planit hapësinor urbanistik të Ulqinit që të ndryshojnë zgjidhjen e propozuar për pjesën e qytetit prej hotelit “Albatros” deri tek kepi në Plazhin e madh.
Në këtë hapësirë është prona e tyre me sipërfaqe të përgjithshme prej rreth gjysmë milioni metër katror.
Nënshkruesit e peticionit, siç transmeton “Vijesti”, kritikojnë përpunuesin që pjesën më të madhe të kësaj hapësirë e ka parashikuar si zonë të gjelbër. “Kepi nuk është urbanizuar edhe pse ka cilësi pothuajse të njëjta si Zavala në Budve. Por kjo Zavala jonë, sipas Draftit të PHU-së, do të mbes shkretëtirë dhe shkëmb, siç e ka krijuar Zoti. A nuk është ky krim ndaj popullit i cili edhe pse ka resurse më me vlerë në vend, jeton më së keqi dhe ka pagat më të ulëta mesatare”, thonë ato.
