Tash disa vjet adhuruesit e jogës nga vendi dhe rajoni në fund të sezonit organizojnë grumbullimin në Plazhin e Madh.
Siç thonë, me programin e planifikuar me kujdes, të përshtatur për çdo person, me muzikën e valëve dhe erës, cicërimën e zogjve, ky vend është i përsosur për joga.
Ushtrimi i jogës dhe meditimit, mu në breg të detit, është eksperiencë e paharrueshme dhe përjetim që sjellë të mira të mëdha për trupin dhe mëndjen.
E si ndryshe të quhen përveç kënaqësisë orët e jogës dhe meditimit, shëtitjes, rrezitjes, larjes, shoqërimit, afrimit, pëshpëritjes dhe vezullimit në harmoni me ritmet e natyrës në këtë parajsë në Tokë.
Thjesht e ndjeni çlirimin nga mendimet e këqija, rriteni dhe zhvilloheni shpirtërisht, duke u mbushur me energjinë e pastër.
