“Pobjeda”: GJEKES DHE ZENKES “I DOLI PREJ HUNDËSH” MËNGJESI ME CUNGUN

Cungu, Gjeka, ZenkaGazeta proqeveritare “Pobjeda” në botimin e sotëm merret me skandalin i cili shpërtheu të martën mbasi që në faqen zyrtare të FB të Forces së re demokratike u publikua fotografia e liderëve të tri partive nacionale shqiptare me tekstin përcjellës që kryetari i Partisë demokratike Fatmir Gjeka iku nga bisedimet.

Mbasi që Gjeka ka demantuar ashpër këto shkrime, këtë për “Pobjeda” e vërtetoi dhe lideri i UDSH-së Mehmed Zenka.

“Ishim në Qeveri në takim lidhur me NATO integrimet. Si dolëm nga Qeveria, Cungu na ftoi për kafe. U ulëm të pimë kafen, njëkohësisht hëngrëm dhe mëngjesin. Menjëherë ftoi kamerierin dhe ia dha telefonin të na fotografoi. Nuk pash asgjë të keqe në atë që të kemi fotografi të përbashkët. Nuk kemi bërë asnjë bisedë formale. Me Gjeken foli joformalisht, unë nuk isha objektiv i bisedës. Gjeka i tha që nuk ishte as vendi dhe as koha të flasim për koalicion. Nuk i ka thënë që tashmë ka bërë koalicion me PDS-në e as nuk ka ikur nga tavolina. Normalisht i kemi dhënë dorën njëri tjetrit dhe jemi ndarë. Para na fotografoi gazetarja, pasi që, siç duket, Cungu ftoi dhe gazetarët, sepse nuk i ftuam as Gjeka dhe as unë. As nuk mbërrita deri në Ulqin e fotografia jonë nga restoranti ishte në FB. Me këtë gjest na ka ofenduar të gjithëve”, tha Zenka.

Leave a Reply

Your email address will not be published. Required fields are marked *

Reportazh: Deti dhe ndërkulturalizmi

Intervista e parë e kryetarit Omer Bajraktari: GJENDJA NË KOMUNË, VIZIONI I ZHVILLIMIT, PLANET…