Kryetari i Sindikatës komunale në Ulqin Shefki – Keko Lamoviq ishte pjesë e delegacionit i cili dje në Podgoriicë bisedoi me kryeministrin malazez Dushko Markoviq.
Lamoviq e njoftoi Markoviqin për situatën socio-ekonomike në Ulqin duke kërkuar investime më të fuqishme në mënyrë që të rinjtë të punësohen.
Ai në veçanti insistoi në zgjidhjen e çështjes së ish punëtorëve të hotelit “Otrant” dhe fabrikës “Ultep” në Katërkollë.
Lamoviq shprehu bindjen se së shpejti do të përfundojnë të gjithë procedurat për Ndërtesën e solidaritetit në Fushë të Ulqinit.
