Dje në Podgoricë, në ambientet e Qendrës për Ruajtjen dhe Zhvillimin e Kulturës së Pakicave të Malit të Zi, u nënshkrua Marrëveshja e Bashkëpunimit midis këti institucioni dhe Institutit Historik “Ali Hadri” nga Prishtina.
Marrëveshja u nënshkrua nga drejtorët e këtyre institucioneve, Gzim Hajdinaga dhe Teuta Shala-Peli, të cilët shprehën kënaqësinë e tyre për nënshkrimin e dokumentit, duke theksuar rëndësinë e tij të madhe jo vetëm për të dy institucionet, por edhe për të dy vendet.
Me atë rast, u ra dakord për konceptin e bashkëpunimit të ndërsjellë, së bashku me propozimin e aktiviteteve specifike të përbashkëta që do të zbatohen në kuadër të programit në fushën e kulturës.
Pikat kryesore të marrëveshjes nënkuptojnë format e mëposhtme të bashkëpunimit midis nënshkruesve:
Shkëmbimi i literaturës profesionale dhe shkencore për nevojat e institucioneve mëmë, bibliotekave dhe institucioneve arsimore;
Realizimi i projekteve kulturore dhe shkencore në fushën e historisë dhe trashëgimisë kulturore;
Shkëmbimi i kontakteve dhe bashkëpunimi me qëllim forcimin e bashkëpunimit rajonal dhe ndërkombëtar të të dy institucioneve;
Ndihmë e ndërsjellë në zbatimin e projekteve kulturore dhe shkencore;
Publikimi i përbashkët i veprave me interes të ndërsjellë;
Organizimi i aktiviteteve të përbashkëta mbi temën e trashëgimisë kulturore dhe historike;
Organizimi i ekspozitave dhe prezantimeve të trashëgimisë kulturore.
Të dy institucionet shprehin nevojën për të përmirësuar bashkëpunimin, mbështetjen dhe ndihmën e ndërsjellë në fushën e shkëmbimit të literaturës profesionale dhe revistave shkencore, të cilat janë të rëndësishme për të dyja palët, si dhe për bibliotekat dhe institucionet arsimore në vendet e tyre.
