Prej sonte inspektorët e Policisë komunale do të kontrollojnë lartësinë e zërit të muzikës në lokalet e hapura të qytetit, sidomos në Ranë, mëson Portali Ul-info në administratën lokale.
Siç thuhet, këto aktivitete do të jenë të vazhdueshme, sepse numri më i madh i mysafirëve dhe i pronarëve të kapaciteteve banuese në rivierën e Ulqinit kanë ankesa për zhurmën.
Është njoftuar po ashtu se prej të hënës do të fillojë kontrolli i pagesës së qirasë për hapësirat publike. “Aksioni do të zhvillohet 24 orë në ditë dhe nëse eventualisht vërtetohet që nuk është paguar qiraja, do të sekuestrojmë gjërat, gjegjësisht inventari, i cili do të gjendet në këto hapësira”, thuhet në Policinë komunale.
