Organizatorët e aksionit humanitar “Porcion falas – Besplatan obrok” arritën për një muaj rezultate impresive.
Siç njoftohet, në këtë periudhë janë ndarë 8.500 porcione të ngrohta, 24 traktorë me dru zjarri, artikuj ushqimor për mbi 100 familje, pastaj veshje, tapetë, mobilje.
“Ulqini tregoi se ka zemër të madhe. Ky aksion unifikoi popullin e këtij qyteti”, thanë organizatorët.
Me urimet e përzemërta për suksesin e deritashëm të aksionit i cili tregoi imazhin më të bukur të Ulqinit, shpresojmë që ai do të zgjasë dhe se do të kulmojë me hapjen e kuzhinës popullore.