Regjistrimi në klasë të parë të shkollës fillore të fëmijëve të lindur në vitin 2009 fillon të mërkurën, më 1 prill dhe do të zgjasë deri në fund të muajit, njoftohet nga Ministria e arsimit.
Në momentin e regjistrimit duhet dorëzuar vërtetimi i mjekut nga institucioni kompetent shëndetësor.
Nëse fëmija nuk gjendet në regjistrin me moshë për shkollë, të cilën çdo shkollë e fitoi nga evidenca bazë e qytetarëve të Malit të Zi, është e nevojshme të dorëzohet certifikata e lindjes.
Mbasi që arsimimi fillor është i detyrueshëm, prindërit, gjegjësisht kujdestarët janë të detyruar të regjistrojnë fëmijët në klasë të parë.
