Prej vitit të ardhshëm shkollor nxënësit e klasës së parë të shkollave fillore në Mal të Zi në gjuhën shqipe ka mundësi se do të mësojnë nga Abetarja e cila është në përdorim në sistemin arsimor të Shqipërisë dhe Kosovës, mëson Portali Ul-info.
Për këtë është folur dje në takimin e drejtuesve të komunës së Ulqinit dhe të udhëheqësve politik shqiptar me nënkryetarin e Qeverisë dhe ministrin e punëve të jashtme të Republikës së Kosovës Hashim Thaçin.
Thaçi premtojë përkrahje për këtë qëllim duke thënë se nga abetarja e përbashkët shqiptare mësojnë edhe në luginën e Preshevës.
Ai tha se do të ndihmojë shkollimin e studentëve nga Mali i Zi në fakultetet e Kosovës, por shtoi se ato mund të hapën edhe në Mal të Zi meqenëse ky vend ka ekonomi të hapur, atë të tregut.
