Kuvendi komunal i Ulqinit e solli vendimin për fillimin zyrtar, gjegjësisht për huamarrjen kreditore për projektin e përmirësimit të rrjetit të ujësjellësit dhe kanalizimit me vlerë 20 milion euro, para më shumë se një viti.
Por, siç theksohet, komisioni i cili atëherë u formua, në krye me përfaqësuesin e PDS-së, e me detyrë që të përcjellë realizimin e këtij projekti, asnjëherë nuk është mbledh.
Detyra themelore e komisionit ishte që këshilltarëve dy herë në vit të ja dorëzojë raportin për realizimin e këtij projekti.
Nga partitë opozitare në shumë raste kanë ftuar pushtetin lokal që të njoftojë Kuvendin komunal dhe opinionin për detajet për shkak të të cilëve KfW banka dhe VODACOMI kërcënojnë me stopimin e projektit.
