Prokuroria e lartë e shtetit para publikimit të “Aferës incizimi”, gjatë 2012 dhe në gjysmën e parë të vitit 2013, në lidhje me zgjedhjet parlamentare, lokale dhe presidenciale, për kontrollin e dyshimeve që kishin ndodhur shkelje të së drejtës zgjedhore apo keqpërdorimi i resurseve shtetërore me qëllime politike, ka formuar lëndën dhe tek Prokuroria themelore shtetërore në Ulqin, shkruan portali CDM.
Prokuroria themelore shtetërore në Ulqin ka refuzuar padinë penale të Rrjetit për afirmim të sektorit joqeveritar – MANS, kundër anëtarit të shtabit zgjedhor të PDS-ës Loro Nrekiq për vepër penale të shkeljes së lirisë së përcaktimit gjatë votimit dhe falsifikimin e rezultateve të zgjedhjeve. Theksohet që gjatë kontrollit të hollësishëm është vlerësuar që në veprimet e të paditurit nuk ka dyshime të bazuara që ka kryer vepër penale.
