Protokol: TAKIMI CUNGU – GVOZDENOVIQ

Kryetari i komunës së Ulqinit Nazif Cungu me bashkpunëtorët e tij priti sot në takim ministrin e turizmit dhe zhvillimit të qendrueshem z.Branimir Gvozdenoviq si dhe drejtorin e NP Ujësjellësi Rajonal z.Goran Jevriq. Në këtë takim u diskutuan një serë temash që kanë të bëjnë me zhvillimin e turizmit në komunën e Ulqinit. Interesimi për Ulqin është gjithnjë në rritje çka tregon edhe rritja e shitjes së kapaciteteve akomoduese për 60% në krahasim me vitin e kaluar theksoi Cungu.

Ai poashtu veçoi se hartimi i planit hapsinor urbanistik i finansuar nga qeveria e Malit të Zi paraqet një moment tjeter të rëndësishem për komunen e Ulqinit, ndërkohë që ka vlersuar pozitivisht faktin që drafti i ri i këtij plani ka përfshirë vrejtjet dhe sygjerimet drejtuar nga pushteti lokal, sidomos në trajtimin e Valdanosit. Konkretisht, në propozimin e ri të këtij plani është bërë zvoglimi i kapaciteteve akomoduese nga 1600 shtreter në 900 shtreter si dhe mbrojtja e ullishtes së Valdanosit që paraqet një bazë të mirë për mundësin e fillimit të procedurave për kthimin e pronave në këtë zonë. Planifikuar në këtë plan, Kryporja e Ulqinit do të mbesë zonë e mbrojtur natyrore e cila do të valorizohet vetem në funksion të zhvillimit të turizmit. Zgjerimi i parcellës urbanistike për ndërtim në zonen e Mavrianit mbetet një temë e rëndësishme për komunen e Ulqinit për të cilen do të diskutohet edhe në vazhdim u shpreh Cungu. Propozimi i këtij plani hapsinorë do të bëhet publik mbrenda pak ditëve.
Aktivitetet e përbashkëta në përshpejtimin e investimeve në Ulqin ishte një temë e rëndësishme në këtë takim.
Avansimi në infrastrukturë, si dhe planet për të përmirësimin dhe ndërtimin e infrastrukturës komunale, kryesisht në fushen e ujësjellësit dhe kanalizimeve që mbështeten nga qeveria Gjermane, paraqet një perspektivë të rëndësishme të kthimit të Ulqinit në një destinacion të rëndësishem jo vetem për Malin e Zi por edhe më gjërë.
Në Ulqin duhet krijuar kushte për ndërtimin e kapaciteteve turistike me katër dhe pesë yje dhe në këtë drejtim janë bërë ndryshimet e nevojshme në politikat fiskale duke ngarkuar me tatime subjektet afariste që nuk ofrojnë projekte zhvillimore dhe duke ofruar lehtësime për ato subjekte që paraqesin projekte në funksion të zhvillimit të mëtutjeshem në fushen e turizmit, politikë kjo e cila do të sigurojë një ofertë të re për komunen e Ulqinit u shpreh ministri Gvozdenoviq.
Në këtë takim u vlersua se projektet si Hoteli Mediteran, Projekti i kompanis Iberostar e të tjerë janë projekte që përmes një bashkpunimi të ngushtë në mes të palëve, do të mund të realizohen mbrenda një afati të shkurtër kohor. Poashtu paraqitja në panairin e investimeve në Mynih, dhe panaire të tjera të ngjajshme me te, mbetet një nga mundësitë më me perspektive për zhvillimin e qytetit të Ulqinit.
Pavarësisht nga një vlerësim pozitiv i këtij sezonit turistik i cili është rezultat i pregaditjeve të më hershme, në këtë takim u diskutua edhe për preaditjen e sezonit të ardhshem turistik ku do të përfshihet edhe NP Të Mirat Detare. Gvozdenoviq u shpreh se mbrenda këtij viti do të përfundojnë të gjitha tenderet për shfrytëzimin e plazheve për vitin 2014, gjë që do të ndikojë në rritjen e cilësisë dhe ofertes në plazhet e Ulqinit.
Në takim poashtu u diskutua edhe për mundësinë e zgjërimit të pikës kufitare në Sukubinë.
Të pranishmit vlersuan se ky takim paraqet një fillim të ri të zhvillimit pozitiv të turizmit si për qytetin e Ulqinit ashtu edhe për tërë Malin e Zi.

Pas këtij takimi kryetari Cungu dhe Ministri Gvozdenoviq u takuan me sipërmarrës të Ulqinit me të cilet diskutuan lidhur problemet dhe kërkesat që ata kanë.

(Kumtesa integrale e kabinetit të kryetarit të komunës)

Leave a Reply

Your email address will not be published. Required fields are marked *

Presidentja e Kosovës Osmani Sadriu: NË ULQIN NDIHEMI SI NË SHTËPINË TONË
Presidentja e Kosovës Osmani Sadriu: NË ULQIN NDIHEMI SI NË SHTËPINË TONË

“Në Ulqin ndihemi si në shtëpinë tonë. Falënderoj të gjithë ata që hapën shtëpitë dhe zemrat e tyre për mërgimtarët nga Kosova në vitin 1999”, tha Presidentja e Republikës së Kosovës, Vjosa Osmani Sadriu.

Ulqin: PARALAJMËRIM I ARDHJES TË ZINXHIRIT GJERMAN TË SUPERMARKETËVE
Ulqin: PARALAJMËRIM I ARDHJES TË ZINXHIRIT GJERMAN TË SUPERMARKETËVE

Zinxhir i njohur i dyqaneve ushqimore “Lidl” është i interesuar për hapjen e një objekti në Ulqin, mëson Portali Ul-info. Me këtë rast, drejtuesit e asaj kompanie kanë biseduar me kryetarin e Komunës së

Ana e Malit: Filloi ndërtimi i Qendrës së Komunitetit në Krythë
Ana e Malit: Filloi ndërtimi i Qendrës së Komunitetit në Krythë

Me date 2 shkurt 2023 është bërë betonimi i pllakës së Qendrës së Komunitetit Krythë. Ky projekt është një investim që po mbulohet në tërësi nga diaspora e ketijë komuniteti. Objekti ka një sipërfaqe mbi

CEDIS: TË MËRKURËN PA RRYMË NJË PJESË E KOMUNËS SË ULQINIT
CEDIS: TË MËRKURËN PA RRYMË NJË PJESË E KOMUNËS SË ULQINIT

Nga Sistemi malazez i elektroshpërndarjes (CEDIS) thanë për Portalin Ul-info se të mërkurën, më 8 shkurt, pa energji elektrike do të jenë këto vendbanime: në periudhën prej ores 8 deri në 14,00 – një pjesë

Presidentja e Kosovës në Mal të Zi: SOT NË PODGORICË, NESËR NË ULQIN
Presidentja e Kosovës në Mal të Zi: SOT NË PODGORICË, NESËR NË ULQIN

Presidentja e Republikës së Kosovës, Vjosa Osmani Sadriu, me ftesë të kryetarit të Malit të Zi, Milo Gjukanoviq, po qëndron sot dhe nesër për një vizitë zyrtare në Mal të Zi. Presidentja Osmani Sadriu