Partia social demokrate e Malit të Zi së bashku me Partinë socialiste të Shqipërisë dhe Lëvizjen socialiste për integrim të Shqipërisë ishte bashkorganizues i konferencës ballkanike të Partisë së socialistëve evropian (PES) e cila u mbajt në Shkodër dhe Budva para disa muajsh, është deklaruar të mërkurën nga PSD e Ranko Krivokapiqit.
“Koalicioni i këtyre dy partive mbas zgjedhjeve të qershorit ka arritur fitore të thellë me mbi 60 për qind të mandateve të fituara në Kuvendin e Shqipërisë. Marrëdhëniet e shkëlqyera politike që i kemi si shtete, edhe më shumë do të forcohen me ardhjen në pushtet të mikut tonë Edi Rama, me të cilin do të vazhdojmë luftën kundër të gjitha llojeve të ekstremizmit. Ndalje në rrugën tonë të përbashkët evropiane nuk do të ketë, sidomos jo për shkak të ideve propozues i të cilave është figura margjinale politike siç është Koço Danaj ka nevojë për vëmendje të medieve”, tha shefi i shërbimit për informim të PSD-së Mirko Staniq.
Ai shtoi që për fuqinë dhe popullaritetin e kësaj ide flet e dhëna që lista e cila e propagandonte në zgjedhjet e fundit parlamentare në këtë vend morri 9.910 vota prej gjithsej 1.742.520 qytetarë që dolën në votime, me çka “një temë jo shumë e rëndësishme politike në jetën politike shqiptare përjetoj dhe “vërtetimin” zgjedhor prej 0.6 për qind”.
