Drejtuesit e Partisë socialdemokrate në Ulqin kanë shprehur besimin që së shpejti do të zgjidhet çështja e koalicionit të ardhshëm qeverisës në këtë komunë. “Mendoj që të gjitha lojërat janë luajtur. Besoj në negociatat e PSD-së, PDS-së (DPS), UDSH dhe PD. Simbioza e dy partive qytetare dhe dy shqiptare është opsioni më i mirë për Ulqin”, tha për “Pobjeda” kryetari i Këshillit komunal të Partisë socialdemokrate Selim Resulbegoviq.
Përndryshe, edhe gjatë mbledhjeve të mëparshme të drejtuesve të PSD-së dhe PDS (DPS) është arritur nivel i lartë i pajtueshmërisë mbi mënyrën e formimit të koalicionit të ardhshëm qeverisës në Ulqin.
