Partia socialiste popullore e Malit të Zi mbas mbledhjes së djeshme të Këshillit qendror ka deklaruar që në zgjedhjet e mbajtura pak kohë më parë në Ulqin kjo parti ka treguar fuqinë e vet.
“Është konstatuar që PSP në këto zgjedhje edhe njëherë ka treguar fuqinë e vet, duke arritur rezultate të mira, me angazhimin e të gjithë infrastrukturës, gjë që paraqet bazën më të mirë që ky trend të vazhdohet edhe në zgjedhjet e ardhshme lokale të cilat do të mbahen me 25 maj të këtij viti”, është lajmëruar nga PSP-ja.
Në zgjedhjet e 26 janarit PSP ka fituar 477 vota, gjegjësisht rreth tridhjetë më shumë se në zgjedhjet parlamentare në tetor të vitit 2012.
