Një nga komplekset më të bukura në regjion, Qendra Islame në Tivar, po fiton pamjen përfundimtare. Duke iu falënderuar donatorëve nga kjo komunë dhe nga diaspora janë realizuar punimet e forta ndërtimore, të cilat zgjatën më shumë se dhjetë vite nga momenti i vendosjes së gurë themelit.
Në vijim janë punimet në interier dhe eksterier të Qendrës, të cilën e financon Republika e Turqisë nëpërmjet të agjencisë së vet Tika. Vlera e përllogaritur e objektit është rreth 2.5 milion euro.
Ndërtesa e Qendrës islamike në Tivar është projekti më i rëndësishëm që realizohet në historinë e re të Bashkësisë islame në këto hapësira.
Projekti i cili me arkitekturën e vet të madhështore, mjetet moderne dhe pamje monumentale është një nga objektet më atraktive të këtij lloji në Ballkan është vepër e arkitektëve të njohur nga Ulqini Selim Resulbegoviq dhe Fuad Mavriq.
