Doli nga shtypi numri më i ri i revistës letrare “Qëndresa”, që është revistë e vetme e këtij tipi në tërë territorin e Luginës së Preshevës.
Brendia e revistës shoqërohet me poezi, prozë, aforizma, studime e kritika dhe letërsi botërore. Revista është gjithpërfshirëse, në të cilën janë prezantuar shkrimtarë nga të gjitha trevat shqiptare. Në mesin e këtyre është edhe poeti dhe shkrimtari nga Kraja, i cili banon në Ulqin, Ibrahim Berjashi.
Revistën, shprehet shkrimtari Bilal Maliqi, kryeredaktor i “Qendresës”, e mbështet financiarisht dashamiri i kulturës e i artit dhe atdhetari i njohur, z. Qenan Haxhi Vlora.
