Qeveria e Malit të Zi ka kërkuar nga kompanitë hekurudhore dhe trupave tjerë përgjegjës që në “një afat të arsyeshëm” të fillohet ndërtimi i lidhjes hekurudhore në aeroportin e Podgoricës, si dhe që linja ekzistuese deri në Tivar – të vazhdohet deri në Ulqin.
Në dokumentin “Informacioni mbi lidhjen dhe qasjen e Malit të Zi në funksion të zhvillimit të turizmit” nuk është theksuar se sa para nevojitet të investohen në këto dy projekte, por është konstatuar qartë që “infrastruktura hekurudhore me qëllim të ofertës më të mirë turistike duhet të përmirësohet dukshëm”, shkruan Portal Analitika.
