Ministria e ekonomisë e Malit të Zi ka njoftuar që vlerëson tre oferta që erdhën për hulumtimin e naftës dhe gazit në nëndetin e Ulqinit dhe Tivarit.
Siç thuhet, përzgjedhje e partnerit do të përfundojë deri në fund të vitit, ndërsa në fillim të vitit të ardhshëm mund të nisin punimet e para hulumtuese në terren.
Nga Qeveria po ashtu theksojnë që deri në fund të këtij viti do të përfundohet Vlerësimi strategjik i ndikimit në mjedisin jetësor për programin e hulumtimit dhe prodhimit të hidrokarbureve në nëndetin e Malit të Zi, të cilin do ta bëjnë dy kompani.
