Qeveria e Malit të Zi ka njoftuar se dëshiron “shfrytëzim të qëndrueshëm të Kripores së Ulqinit si zonë të ardhshme Ramsar”.
“Në këtë kontekst, e në pajtim me detyrimet ndërkombëtare, para së gjithash me Konventën për habitatet kënetore – Konventën Ramsar, kemi ndërmarr hapat iniciues me qëllim mbrojtjen e Kripores në nivel ndërkombëtar, duke u udhëhequr me atë që qëndrueshmëria duhet të jetë koncepti i vetëm i zhvillimit të Malit të Zi dhe qasja e vetme për investim në zhvillimin e zonave të mbrojtura”, thanë nga Qeveria.
Ditët e kaluara organizatat joqeveritare kritikuan Qeverinë që po ngurron me marrjen e masave konkrete të cilët do ta çonin Kriporen drejt regjistrimit në listën Ramsar.
