Ministri i zhvillimit të qëndrueshëm dhe turizmit në Qeverinë e Malit të Zi Pavlle Radulloviq ka deklaruar që “deri në fund të janarit, fillim të shkurtit do të fillojë realizimi i projektit rezultati i të cilit do të jetë studimi cilësor dhe gjithëpërfshirës i mbrojtjes së Kripores së Ulqinit”.
Ai në intervistë për “Vijesti” tha se projekti do të financohet nga mjetet europiane.
“Në bazë të këtij dokumenti do të caktohet shkalla e mbrojtjes nacionale të kësaj zone, ndërsa pas kësaj do të kandidohet edhe mbrojtja e saj në nivel ndërkombëtar”, shtoi Radulloviq.
Ai nuk iu përgjigj pyetjes kur do të fillojë prodhimi i kripës.
