Ministri i zhvillimit të qëndrueshëm dhe turizmit Branimir Gvozdenoviq ka biseduar me shefin e Delegacionit të BE-së Mitja Drobniç dhe përfaqësuesit e ambasadave të vendeve anëtare të BE në vendin tonë, njoftohet nga ky resor.
Siç thuhet, një nga temat e rëndësishme në këtë takim ishte edhe mbrojtja dhe trajtimi i mëtejmë i Kripores. Ambasadorët janë interesuar edhe për trajtimin juridik të kësaj zone.
Po ashtu, u fol edhe për gjirin e Valdanosit.
“Kishim disa pyetje konkrete dhe morëm përgjigje konkrete lidhur me disa projekte nga mbrojtja e mjedisit jetësor kështu që kjo mbledhje na dha mundësi që të marrim informata dhe të rrisim shkallën e transparencës”, tha Drobniç.
