Drejtori i Drejtorisë për menaxhimin e mbeturinave dhe zhvillimin komunal në Qeverinë e Malit të Zi Sinisha Stankoviq ka deklaruar që në vitin 2015 do të fillojë ndërtimi i rrjetit të kanalizimit në Ulqin. „Gjatë vitit të ardhshëm do të nisim ndërtimin e 12 kilometër rrjetë të kanalizimit e cila do të mundësoj grumbullimin e ujërave të zeza nga katër vendbanime“, tha ai për „Pobjeda“.
Stankoviq shtoi që Ulqini është në fillim të punës së madhe për krijimin e të gjithë parakushteve të nevojshme për realizimin e projekteve me të cilët do të përmirësohet gjendja në fushat e furnizimit me ujë dhe menaxhimin e ujërave të zeza.
