“Mali i Zi shënoi dy rastet e para me koronavirus. Pacientet janë të gjinisë femrore, të lindura në vitin 1948 dhe vitin 1973 dhe të dyja gjatë periudhës paraprake kanë qëndruar në zonat e prekura. Janë me gjendje stabile shëndetësore”, njoftoi kryeministri Dushko Markoviq.
Siç vërtetoi drejtori i Institutit për Shëndetësi Publike Dr. Boban Mugosha, një nga personat e infektuar është nga Ulqini.
“Siç po e shohim, për fat të keq, prej këtij moment fillon faza e re e ballafaqimit me këtë sfidë shëndetësore dhe shoqërore. Mirëpo, nuk ka vend për panik dhe as për brengosje të pakontrolluar dhe të pamatur”, shtoi Markoviq.