Qeveria e Malit të Zi njoftoi se ka shqyrtuar dhe vërtetuar Propozimin e Ndryshimeve dhe Plotësimeve të Planit Hapësinor Urbanistik të Komunës së Ulqinit, me Programin e mbajtjes së Shqyrtimit Publik, i cili do të zgjasë 15 ditë pune.
Siç thuhet, arsyeja e hartimit të Ndryshimeve dhe Plotësimeve të Planit Hapësinor Urbanistik është vendimi i Qeverisë së Malit të Zi për qiradhënien afatgjate të tokës në lokalitetin Mali i Brisë për eksploatimin e energjisë solare dhe ndërtimin e sistemeve diellore me fuqi të instaluar prej 200 megavat.
