Në nëntor do të miratohet axhenda e përbashkët të projekteve në kuadër të hapësirës pa kufij mes Shqipërisë dhe Kosovës, u morrën vesht kryeministrat Edi Rama dhe Hashim Thaçi. Rama sqaroi se në mbledhjen e përbashkët mes dy qeverive do të konkretizohet bashkëqeverisja strategjike mes dy vendeve.
“Ne kemi rënë dakord që në nëntor të bëjmë mbledhjen e parë të përbashkët të të dyja qeverive dhe të fillojmë procesin e bashkëqeverisjes strategjike mes Shqipërisë dhe Kosovës, që do të thotë se koha kur qëllimet e mira dhe objektivat e shkruara janë pasuar nga punë të lëna përgjysmë, duhet t’ia lerë vendin një kohe ku qëllimet, objektivat dhe detyrat janë të përcaktuara në mbledhjen e përbashkët të të dyja qeverive dhe çdo ministër duhet të japë llogari përpara të dy qeverive në mënyrë periodike për ecurinë e projekteve dhe për zbatimin e detyrave të dhëna bashkarisht”, u shpreh Rama.
Në këto takime të cilët do të zhvillohen çdo 6 muaj ministrat do të japin sqarime për çdo projekt konkret të nënshkruar mes palëve.
Dy kryeministrat deklaruan dhe edhe një aksion të përbashkët në fushën e ekonomisë dhe energjisë, si dhe zgjidhje të çdo problemi të lindur mes dy vendeve. Rama theksoi se do të unifikohen programet e kulturës, shkollës, shkencës dhe sporteve.
