“Është e pasaktë dhe e pavërtetë deklarata e kryetarit të PDS-së në Ulqin Loro Nrekiq që nuk është i njoftuar me pakënaqësinë e anëtarëve dhe simpatizuesve tanë mbas negociatave të udhëhequra keq për formimin e pushtetit lokal. Sepse, në çdo mbledhje të Këshillit ekzekutiv dhe komunal kishte bisedë edhe për këtë. Por, Nrekiq këtë e shmangu çdo herë, gjë që mund ta dëshmojnë të gjithë anëtarët e organeve partiake”, thuhet në reagimin e një pjese të anëtarëve të PDS-së dorëzuar medieve.
Theksohet që ato vazhdimisht kanë paralajmëruar për këtë rrjedhë të ngjarjeve dhe për këtë arsye janë drejtuar me shkrim kreut të partisë. “Tani presim përgjigjen e tyre”, thuhet në reagim dhe shtohet që 40 për qind e anëtarëve të Këshillit ekzekutiv dhe komunal të PDS-së kanë mbetur pa punë dhe jetojnë me vështirësi.
Përfundohet që udhëheqësia aktuale e PDS-së në Ulqin ka privatizuar partinë dhe funksionet.
