Numri i mysafirëve këtë javë në rivierën e Ulqinit ka rrëzuar të gjithë rekordet e më hershme.
Sipas të dhënave zyrtare nga Organizata turistike, në Ulqin momentalisht pushojnë 29185 turistë të regjistruar, apo 11 për qind më shumë se në të njëjtën periudhë vitin e kaluar.
Rritje gati të barabartë shënojnë të gjithë format e akomodimit. Më së shumi turistë ka në akomodimin privat, diçka mbi 25 mijë, në hotele pushojnë 3700, ndërsa në kampe dhe pushimore 330 mysafirë.
Mirëpo, në Ulqin tash 15 ditë vlon si në koshere, kështu që numri real i turistëve është të paktën tre herë më i madh se numri zyrtar i të evidentuarve.
