“Cungu me këto bomba tymi përpiqet të mjegulloj situatën e tmerrshme në të cilën e ka pru veten. Ai është në rend të ditës dhe jo unë”, ka deklaruar nënkryetari i komunës së Ulqinit Selim Resulbegoviq.
Ai në reagimin e parë mbasi që nga kabineti i kryetarit të komunës të martën është publikuar që Resulbegoviqi është shkarkuar nga funksioni tha që ky është “veprim i njeriut të dëshpëruar dhe manipulues, si dhe sulm ndaj pjesës së koalicionit rezultatet e së cilës janë më të dukshme dhe më të prekshme”. “Me rezultatet tona në miratimin e planeve ai është lavdëruar në raportin e vet si dhe në opinionin malazias në çdo mundësi që është dhënë. E me çfarë tjetër mund të lavdërohet?”, tha Resulbegoviq.
Sipas fjalëve të tija, është absurde që Cungu akuzon për kontaktet me përpunuesit e planeve. “Them se jemi ne, si komunë dhe Sekretariat për urbanizëm porositësit e punës, dhe sipas kësaj ne kontaktojmë me përpunuesit”, tha ai.
Resulbegoviq shtoi që vendimi për shkarkimin e tij është i paligjshëm dhe që për këtë arsye nuk ka efekt ligjor. “Mua mund të më shkarkoi vetëm Kuvendi komunal, përkatësisht organi i cili dha pëlqimin për emërimin tim”, tha ai duke theksuar që të mërkurën do t’ia ndaj gazetarëve letrën të cilën ia dërgoi Cungut para disa ditëve.
