Kryeministri i Malit të Zi, dr Dritan Abazoviq, ka hapur shkollën e vetme në Dacaj, në komunën e Rozhajës, e cila mban mësim në gjuhën shqipe.
Në ceremoninë e hapjes së kësaj shkolle pas rindërtimit, Abazoviq mori pjesë bashkë me ministrin të Arsimit, Miomir Vojinoviq.
“Së bashku me ministrin e Arsimit Miomir Vojinoviq dhe ministrin e Administratës Publike Marash Dukaj po hapim një shkollë të rikonstruktuar në Rozhajë, IP ShF Dacaj. Kemi të bëjmë me shkollën e vetme në Rozhajë që mban mësim në gjuhën shqipe. Sot është hera e parë në histori që kjo shkollë vizitohet nga kryeministri”, bëri të ditur ai përmes një postimi në llogarinë e tij në Facebook.
