Romët dhe Egjiptianët në Ulqin: HISTORIA SI MËSUESE

Romët janë një grup i të huajve të cilët erdhën dhe qëndruan në Ulqin prej mesjetës. Etnologu serb Tihomir Gjorgjeviq shkroi para 85 vitesh se “Ciganët e Ulqinit janë nga fshati Gur i Zi në lumin Mat, në Shqipëri. Folën vetëm gjuhën shqipe, ndërsa nga atdheu i tyre sollën edhe traditën kombëtare shqiptare”.

Pushteti Osman kërkoi që ato të trajtohen bukur. “Askush mos të shqetësojë dhe as të keqtrajtojë përfaqësuesit e këtij populli”, thuhet në fermanin e vitit 1604 për Romët në Shqipërinë Jugore dhe Greqin Veriperëndimore.

Osmanët i vendosën në Ulqin si të aftë për të kryer veprimtarinë e efarkëtarit – kovaçit, në veçanti për nevojat e kantierës së anijeve, e cila gjendej në mesin e Plazhit të Vogël.Flag_of_the_Romani_people.svg

Në vendbanimin Totosh në mesin e shekullit 19 ishin qindra shtëpiza/kasolle nga kashta në të cilat jetonin Romët. Kalonin jetë të sigurt dhe pa brengosje, pa persekutime, akuza ose çfarëdo lloj diskriminimi.

Ulqinakët vendas i vlerësonin dhe i respektonin bashkëqytetarët e tyre romë. Sepse, ato ishin njerëz të lumtur, punëtorë dhe të ndershëm.

Sot, në fillim të mijëvjeçarit të tretë, zyrtarisht thuhet që “Romët dhe Egjiptianët në shumicën e rasteve janë të izoluar nga pjesa tjetër e banorëve dhe se po rritet çdo formë e distancës sociale apo përjashtimit”!?

“Pjesëmarrja në procesin e vendimmarrjes ka të bëjë vetëm me votimin gjete mbajtjes së zgjedhjeve. Romët nuk kanë pjesëmarrës autentik në Kuvend, e as në kuvendet e vetëqeverisjes vendore”, theksohet nga Zyra për Mbrojtjen e Të Drejtave dhe Lirive të Njeriut dhe shtohet se “statusi i përgjithshëm i popullatës Rome dhe Egjiptiane tregon që janë ndërmarrë masa dhe aktivitetet të caktuara në përmirësimin e pozitës së tyre, të cilët rezultuan me ndryshime të rëndësishme, por edhe të pamjaftueshme”.Support-feat-1280x720

Përndryshe, shumica e kësaj popullatë edhe në Ulqin kryen punët në ekonomi informale, gjersa Romët e punësuar në mënyrë formale më së shpeshti punojnë në Ndërmarrjen Komunale ose përkohësisht angazhohen në punët sezonale dhe punimet publike.

Prandaj është e nevojshme që të rritet vetëdija për problemet dhe sfidat e komunitetit Rom, ndërsa e tërë shoqëria duhet të ndihmojë në krijimin e kushteve për jetën më të mirë të Romëve dhe Egjiptianëve.

Publikimi i këtij teksti është pjesë e projektit „Gjuha ime – gjuhë e barabartë“ të cilin e realizon OJQ „Horizonti i Ri“ në partneritet me OJQ „UL info“. Projekti mbështetet nga Ministria për të Drejtat e Njeriut dhe të Minoriteteve e Malit të Zi, në kuadër të Programit për zhvillimin dhe avancimin e të drejtave të popujve pakicë dhe bashkësive tjera etnike. Përmbajtja e këtij teksti është përgjegjësi vetëm e autorit dhe në asnjë mënyrë nuk paraqet qëndrimet e donatorit.

Disclaimer, Projekti Ministria, Projekat Ministarstvo

Leave a Reply

Your email address will not be published.

“Koha Javore”: QANI OSMANI REDAKTOR PËRGJEGJËS
“Koha Javore”: QANI OSMANI REDAKTOR PËRGJEGJËS

E vetmja gazetë javore në gjuhën shqipe në Mal të Zi, “Koha javore” ka një kryeredaktor të ri nga numri 1022. Këshilli programor i kësaj gazete vendosi që këtë funksion ta kryejë sociologu dhe publicisti

Të marten koncerti i sezonit: NË ULQIN PERFORMOJNË YJET E MUZIKES KLASIKE
Të marten koncerti i sezonit: NË ULQIN PERFORMOJNË YJET E MUZIKES KLASIKE

Të martën e ardhshme ulqinakët dhe mysafirët e tyre do të kenë një mundësi unike për të ndjekur një koncert të katër yjeve të muzikës klasike. Bëhet fjalë për Josif Gjipalin dhe Kastriot Tushën, tenor

Art club: U PËRURUA LIBRI “BALADA POPULLORE TË SHQIPTARËVE NË MALIN E ZI” I AUTORIT ISMAIL DODA
Art club: U PËRURUA LIBRI “BALADA POPULLORE TË SHQIPTARËVE NË MALIN E ZI” I AUTORIT ISMAIL DODA

Në sallën e mbushur përplot të Shtëpisë së Kulturës – Ostros, të mërkurën (10 gusht 2022) është bërë përurimi i përmbledhjes “Balada popullore të shqiptarëve në Malin e Zi” të autorit Ismail Doda. Në emër

Protesta e Kalalive për shkak të mungesës së ujit: MES PREMTIMEVE DHE RADIKALIZIMIT
Protesta e Kalalive për shkak të mungesës së ujit: MES PREMTIMEVE DHE RADIKALIZIMIT

“Në ditët në vijim do të marrim masa dhe veprime që të mundohemi t’i ndihmojmë qytetarët e Kalasë që të kenë një furnizim më të mirë me ujë”, tha drejtori ekzekutiv i SHPK “Ujësjellësi dhe kanalizimi”

Ulqin: NESËR PROTESTË E KALALIVE
Ulqin: NESËR PROTESTË E KALALIVE

Për shkak të problemeve të vazhdueshme me ujin, banorët e Kalasë kanë paralajmëruar protestë. “Situata prej javësh është e padurueshme dhe nga mungesa e ujit na ikin mysafirët”, pohojnë Kalalitë. Sipas