Këto ditë po përfundon eksproprijimi i tokës përgjatë rrugës Kryth-Ulqin, rikonstruktimi i së cilës duhet të nis në fillim të vjeshtës.
Këtë punë do ta kryejë kompania nga Podgorica “Tehnoput MNE”, e cila ka deklaruar se këtë aks, të gjatë 13,5 km, do ta ndërtojë për 7,24 milion euro.
Projekti financohet nga mjetet e Bankës investuese evropiane dhe duhet të përfundojë 360 ditë nga fillimi i punimeve.
Përndryshe, komuna e Ulqinit është e detyruar të zhvendosë rrjetin e ujësjellësit nga trajektorja e rrugës së ardhshme.
