Turneu i dytë ndërkombëtar i gazetarëve sportivë në futboll në rërë “Montenegro Pro Beach Soccer – Ulqin 2022” do të mbahet nga data 9 deri më 11 qershor në plazhin “Safari beach” në Plazhin e Madh.
Ngjarja do të bashkojë mbi 70 gazetarë sportivë nga Shqipëria, Maqedonia e Veriut, Bosnja e Hercegovina, Kosova dhe Mali i Zi.
Të premten në kuadër të këtij eventi do të organizohet një tryezë e rrumbullakët në “Pallatin Venecia” në Kala, me temën “Futbolli në rërë si disiplinë e preferuar në mbarë botën”.
Organizatorë të turneut “Pro Beach Soccer” janë Komuna e Ulqinit dhe Organizata Turistike e Ulqinit.
