Drejtoresha e Organizatës turistike të Ulqinit Zana Sarvan ka thënë se ripërtrirja e kontratës me agjencitë për nudizëm në panairin e mbajtur pak kohë më parë në Berlin jep mundësinë që Ada të kthej shkëlqimin e saj të vjetër. “Mund të themi se ai shkëlqim ngadalë, por sigurt po kthehet”, tha ajo në intervistë për “Pobjeda”.
Sipas fjalëve të saja, Gjermanët e pëlqejnë pushimin e vërtet, natyrën e paprekur, mikpritjen e mirë, e të gjitha këto mund ti gjejnë në Ulqin. “Me këto bukuri pak kush mund të mburret në Mesdhe. Hit janë pjesët e rregulluara të Plazhit të madh, Ada, lumi Buna, gjiri i Valdanosit, por edhe Plazhi i grave në Pyllin e pishave”, tha Sarvan.
“Por, derisa të mos rinovohen objektet e shkatërruara hotelerike dhe të ndërtohen të rinjtë, turizmi në Ulqin do të jetë në korrik dhe gusht, gjatë të cilëve realizohen madje 90 për qind e fjetjeve”, shtoi ajo.
