Të dielën mbrëma plumbat nga arma e zjarrit kanë rënë afër ish hotelit “Lido” në Plazh të madh dhe në Shtojin e epërm, mëson Portali Ul-info.
Nga policia jozyrtarisht na thanë se në rrethinë të qytetit ishte një dasmë dhe se kishte qitje nga arma automatike.
“Është mirë që kësaj radhe kaloi pa pasoja të rënda duke marr parasysh numrin e madh të njerëzve që janë në Shtoj dhe në Plazh të madh. Por, ajo çfarë brengos është fakti që në dasma dhe festa tjera në Ulqin shpesh festohet si dikur, me qitje nga pistoleta, ndërsa në këtë rast, nga arma automatike”, tha burimi jonë.
