Riviera e Ulqinit është plotë me mysafirë. Dhoma bosh shumë vështirë gjehet, edhe pse në Ulqin ka mbi 100 mijë shtretër.
“Të gjithë shazlonët dhe çadrat janë të mbushura rreth orës 12, sepse mysafirët nuk arrijnë të vijnë më herët për shkak të komunikacionit të rënduar”, tha qiramarrësi i plazhit “Safari” Zefa Deliq.
Ajo që vërehet dy ditët e fundit është rritja e çmimeve të akomodimit dhe shërbimeve. Edhe pse mund të thuhet që ky është ligj i tregut, tentimi që të fitohet pak më tepër mund ti kthehet kundër sezonin e ardhshëm ato të cilët jetojnë nga kjo veprimtari ekonomike. E që tani ka efekt marketingu të dobët për të gjithë destinacionin.
