Koncerti i tretë me radhë nga gjithsej gjashtë do të mbahet të shtunën, me 25 shkurt, në Shkollën e muzikës në Ulqin, njoftohet nga grupi i entuziasteve të cilin e përbëjnë Zenepe Lika, Fatime Buzuku dhe Gjylie Pelingu.
Në këtë “Koncert DUO” marrin pjesë dy artiste: Sllagjana Bozhoviq në flaut dhe Jelena Knezheviq në piano.
“Sezoni i koncerteve “VIVO” është fillim i kthimit të traditës së mirë si dhe dëshirës që qyteti i jonë të promovohet dhe në të ardhmen e afërt të bëhet Ulqin – qytet i kulturës”, thuhet në njoftimin e këtij grupi.
