Ministri i arsimit dr. Damir Shehoviq me bashkëpunëtorë u takua sot me kryetarin e Komunës së Ulqinit Nazif Cungun, me të cilin bisedoi për përcaktimin e hapave të mëtejmë në realizimin e dy projekteve të mëdha: ndërtimin e foshnjores në Ulqin dhe njësisë zonale të IP SHF “Bedri Elezaga” në Sukubinë.
Ato theksuan se është e nevojshme që të intensifikohen aktivitetet për ndërtimin e këtyre dy objekteve, me çka rrjeti i institucioneve edukativo – arsimore në territorin e kësaj komune do të jetë shumë më i pasur.
Po ashtu, bashkëbiseduesit u pajtuan që investimet në sistemin arsimor në territorin e Ulqinit në periudhën e kaluar ishin të konsiderueshme, duke veçuar këtu rikonstruktimin e SHF “Boshko Strugar”, SHF “Marshall Tito”, SHF “Bedri Elezaga” dhe Shkollës së mesme “Vëllazërim-bashkim”, të cilët janë rinovuar nëpërmjet Programit të efikasitetit energjetik në ndërtesat publike, me vlerë të përgjithshme prej 2.300.000 euro.
