Aktivi i gjuhës shqipe në Gjimnazin publik “Vëllazërim Bashkim” shenoi sot 7 marsin-Ditën e mësuesit me anë të një programi të begatë artistik.
Mësimdhënësit e pranishëm, nxënësit si dhe mysafirët e shumtë shijuan disa çaste të veçanta ku dominoi një frymë festive.
Dita e mësuesit është një festë, e cila i kushtohet personelit edukues të shkollave dhe universiteteve. Deri në fillim të viteve ’90 në Shqipëri, për të nxitur mësimdhënien e një cilësie sa më të lartë, mësuesit më të dalluar shpërbleheshin me dekorata të larta që ishin Mësues i Merituar dhe Mësues i Popullit.
